Нууцлалын бодлого

Шинэчлэгдсэн: 2026-10-01

Номадик Жорней ХХК нь таны хувийн мэдээллийг доорх байдлаар цуглуулж, боловсруулж, хамгаална. Энэ бодлого нь Монгол Улсын «Хүний хувийн мэдээлэл хамгаалах тухай» хуульд нийцүүлэн боловсруулагдсан.

1. Бид ямар мэдээлэл цуглуулдаг вэ

Зөвхөн үйлчилгээ үзүүлэхэд ЗААВАЛ шаардлагатайг нь цуглуулна:

Бүртгэл үүсгэхэд: утасны дугаар, нэр. Нууц үг нь хашлагдсан хэлбэрээр хадгалагдах бөгөөд буцааж уншиж БОЛОХГҮЙ.
Суудал захиалахад, зорчигч тус бүрээр: овог, нэр, иргэншил, паспортын дугаар эсвэл регистрийн дугаар. Эдгээрийг ХИЛИЙН ХЯНАЛТАД зорчигчийн нэрсийн жагсаалт бүрдүүлэхэд ашиглана.
Холбоо барих утасны дугаар — аялал цуцлагдах, цаг өөрчлөгдөх үед танд мэдэгдэх зориулалттай.
Төлбөрийн гүйлгээний дүн, огноо, төлөв. КАРТЫН ДУГААР, нууц код зэргийг бид ХАРДАГГҮЙ, ХАДГАЛДАГГҮЙ — төлбөрийг банк, төлбөрийн системээр дамжуулан хийнэ.

Бид арьс өнгө, шашин шүтлэг, улс төрийн үзэл, эрүүл мэнд, гэр бүлийн байдлын тухай мэдээлэл цуглуулдаггүй, асуудаггүй.

2. Яагаад цуглуулдаг вэ

Суудал захиалах, тасалбар олгох
Хилийн боомтод шаардагдах зорчигчийн нэрсийн жагсаалт бүрдүүлэх
Аялал цуцлагдах, өөрчлөгдөх үед танд мэдэгдэх
Төлбөр тооцоо хийх, буцаалт боловсруулах
Хууль, эрх бүхий байгууллагын шаардлагыг биелүүлэх

3. Хэнд дамжуулдаг вэ

Таны мэдээлэл дараах этгээдэд ЗӨВХӨН дээрх зорилгын хүрээнд хүрнэ:

ТУХАЙН АЯЛЛЫН ЖОЛООЧ — зорчигчийн овог, нэр, иргэншил, паспорт/ регистрийн дугаар. Энэ нь хилийн хяналт дээр нэрсийн жагсаалт уншуулахад шаардлагатай. Жолооч зөвхөн ӨӨРИЙН явах аяллын зорчигчдыг хардаг.
ТЭЭВЭРЛЭГЧ КОМПАНИЙН ЭЗЭН — зорчигчийн овог, нэр, суудал, төлбөрийн төлөв. Паспорт, регистрийн дугаарыг ХАРАХГҮЙ: системийн түвшинд хаалттай.
ХИЛИЙН БОЛОН ГААЛИЙН БАЙГУУЛЛАГА — хуулиар шаардсан хэмжээнд.
БАНК, ТӨЛБӨРИЙН СИСТЕМ — гүйлгээ гүйцэтгэхэд шаардлагатай хэмжээнд.

Бид таны мэдээллийг ЗАРДАГГҮЙ, зар сурталчилгааны зорилгоор гуравдагч этгээдэд дамжуулдаггүй.

4. Хил дамнасан дамжуулалт

Энэ үйлчилгээ нь Монгол–Хятадын хилээр зорчихтой холбоотой тул зорчигчийн нэрсийн жагсаалт нь хятадын хилийн хяналтын байгууллагад хүрч болзошгүй. Энэ нь хилийн горимын заавал биелүүлэх шаардлага бөгөөд үүнгүйгээр хил нэвтрэх боломжгүй.

5. Хэр удаан хадгалдаг вэ

Зорчигчийн паспорт, регистрийн дугаар: аялал дууссанаас хойш нягтлан бодох бүртгэл, маргаан шийдвэрлэх зорилгоор шаардлагатай хугацаанд. Тэрнээс хойш устгана.
Захиалга, төлбөрийн бүртгэл: Монгол Улсын нягтлан бодох бүртгэл, татварын хууль тогтоомжид заасан хугацаанд.
Бүртгэлийн мэдээлэл (утас, нэр): та бүртгэлээ устгахыг хүсэх хүртэл.

6. Таны эрх

Та дараах эрхтэй:

Бидэнд байгаа өөрийн мэдээлэлтэй танилцах
Буруу мэдээллийг засуулах
Хууль ёсны үндэслэл дуусгавар болсон мэдээллийг устгуулах
Зөвшөөрлөө цуцлах (гэхдээ үүний дараа үйлчилгээг үргэлжлүүлэх боломжгүй болж болзошгүй)

Эрхээ эдлэхийн тулд info@example.mn хаягаар хандана уу. Бид 10 ажлын өдрийн дотор хариу өгнө.

7. Хамгаалалт

Бүх холболт шифрлэгдсэн (HTTPS) байна.
Нууц үг, нэвтрэх код нь хашлагдсан хэлбэрээр хадгалагдах бөгөөд буцааж уншигддаггүй.
Бичиг баримтын зураг нь нийтэд нээлттэй хавтсанд БАЙХГҮЙ — зөвхөн эрх шалгасан хүсэлтээр л нээгдэнэ.
Паспорт, регистрийн дугаарт хандах эрхийг зөвхөн тухайн аяллын жолооч, админ эзэмшинэ.

8. Бусдын нэрийн өмнөөс захиалга хийх

Та өөр хүний (гэр бүл, хамтрагч, үйлчлүүлэгч) нэрээр захиалга хийж байгаа бол тэр хүний мэдээллийг оруулахад ТЭДНИЙ ЗӨВШӨӨРЛИЙГ авсан байх ёстой. Зөвшөөрөл авалгүй оруулсан мэдээллийн хариуцлагыг захиалга хийсэн этгээд хүлээнэ.

9. Хүүхдийн мэдээлэл

Насанд хүрээгүй хүүхдийн мэдээллийг зөвхөн эцэг эх, хууль ёсны асран хамгаалагч нь оруулна.